ازاي تعرف تسعر شغلك علي الانترنت كل طرق وسياسات التسعير

قرار تسعير المنتج او الخدمة بصراحه يعد من القرارات عالية التعقيد بسبب كم الأسباب والمتغيرات التي تتم وتعمل علي تقلب الأسعار

يعد السعر اهم جزء في مرحلة التفاوض سواء من البائع او المشتري وهذا الرقم المعروض يخلق اختلاف في عرض السعر في مختلف القوي الشرائية

بالطبع قد يسبب الأسعار خلل في بعض الاعمال وتحويل العملاء من والولاء لشركتك الى ولاء لشركات أخرى وهذا بسبب التنافس بين الأسعار في العديد من الشركات

النهارده بقى هنتكم عن السياسة الخاصة بالتسعير سواء من الشركات او من الافراد او أي نوع أسعار او أي نوع خدمات انت ناوي تقدمها فيلا بينا نتابع

*سياسة التسعير النفسي

نظام استعير النفسي او نظام التسعير العاطفي زي ما انا بحب اسميه بصراحه بيعتمد اعتماد كلي على التأثير على العاطفة عند العميل ودفعوا للشراء بدون لجوء العميل للتفكير المنطقي

لو انت حابب طبعا تتفرج على سياسه التسعير النفسي هتلاقيها منتشرة جدا في اغلب الأسواق التجارية والاستهلاكية

من اهم الاستراتيجيات اللي بيعتمد عليها التسعير العاطفي الأسعار الكسرية

على سبيل المثال لو احنا عندنا منتج سعره حوالي 20 دولار فمن الأفضل ان احنا نقول ان المنتج ده سعره ١٩.٩٩ دولار

تعرف ان انا بفضل نظام التسعير الكسري عن النظام التسعير اللي هم يعتمدوا عليه التأني وهو الأسعار المعتادة

الأسعار المعتادة بالملخص والمختصر المفيد ان انا هقدملك نفس السعر الخاص بالسلعة اللي انت عايزها لكن هخفف من وزن الكميه او من وزن العلبه او من جوده التصنيع الخاص بها علشان اقلل تكلفه التصنيع

بص بقى في حاجه اسمها اسعار الاغنياء او الاسعار التفاخريه الاسعار دي بتعتمد على التالي يا باشا

يعني دي اسعار ولاد الناس من الاخر الكلمه اللي انا بكرهها افهمك ليه لان سياسه التسعير في الوقت ده بتعتمد على ان انت تخلي المنتج بسعر مبالغ فيه علشان الفئه الخاصه بالاغنياء شويه او بالاثرياء بيحبوا يشتروا الحاجات دي اعتقادا منهم ان خاماتها مختلفه او ان خامتها عاليه جدا وان الكلام ده كله في الحقيقه لا يعنينا بشيء لانه كذب

*سياسة التسعير الترويجي

التسعير الترويجي بقى يا باشا بيعتمد اعتماد كلي على ترويج المبيعات لدى الشركات يعني من الاخر لو الشركه بتعاني من المبيعات البطيئه نسبيا او الضعيفه النسبيا الفتره دي فبتعتمد اعتماد كلي على التسعير الترويجي

من اكثر الحاجات انتشارا في التسعير الترويجي سياسه الاستدراج والهدف من السياسه دي تسعير منتج معروف سعره داخل البلد او المكان اللي انت فيه بسعر اقل بدرجة كبيره جدا من سعره الحقيقي وطبعا انت عارف ان فرق السعر ده بيروح على باقي المنتجات اللي بكل تاكيد هتشتريها بدون النظر لسعرها

سياسه الاسعار الثانيه بقى اللي بيستخدموها في نفس الخدعه وهي الاسعار الموسميه

الفكره العامه للموضوع ان في منتجات معينه بتبقى مبيعاتها بشكل موسمي على سبيل المثال وليس الحصر المنتجات الخاصه بالمدارس دي بتتباع في فتره المدارس فقط فباقي الفترات ممكن تلاقي اسعارها نازله لكن بجد او بالمعنى الحرفي في باقي الايام انت بتدفع ثمنها بجد مش بتدفع الثمن اللي هم عايزينك تدفعه

من سياسات التسعير السيكولوجيه الاسعار اللي بيتم مقارنتها على سبيل المثال لو انا حابب ابيع لك حاجه معينه وعايز اضحك عليك هقول لك ان المنتج ده كان بمبلغ وليكن 1000 دولار لكن سعره الجديد لحضرتك 700 دولار بس فبالتالي انت هتفكر في الصفقه مش هتفكر في القيمه مقابل السعر فعليا

*سياسة التسعير الجغرافي

من الانظمه اللي انا بكرهها جدا التسعيد الجغرافي لكن تعد من الانظمه العادله نسبيا في الاسعار وهفهمك لانها بتعتمد على كذا سياسه في التسعير وده لاسباب طبعا ترجع لتكلفه النقل والتخزين بين البائع والمشتري يعني بالمختصر المفيد مين فينا هيتحمل نتيجه التخزين ونتائج النقل طيب لو حصل تلفيات مين فينا اللي هيشيلها

نظام التسعير الجغرافي الموحد طبعا النظام ده بيتحمل سياسه النقل والتخزين وكل ده البائع بحيث ان السعر بيكون هو نفس السعر للسلعه بصرف النظر عن اي موقع جغرافي حضرتك فيه طبعا الطريقه دي مش بيستخدمها اي حد ولا اي سلعه لانها مش هيتم استخدامها الا في السلع اللي تكلفه نقلها حول المناطق اللي بتتباع فيها ثابته وكمان في حاجه مهمه جدا ممكن تحصل علشان يتم توحيد السعر على اكبر منطقه جغرافيه وهي تفكير الشركه في دخول اسواق جديده على سبيل المثال لو الشركه دي لسه اول مره تفتح في الدوله دي اعرف ان السعر هيكون مخفض وهيكون تقريبا سعره موحد في اغلب الاحوال لان تكلفه النقل وكل التكليفات دي تعتبر تكلفه مدفوعه للدعايه

في بقى سياسه تانيه بيستخدموها انا عن نفسي بحب اقول عليها سياسه الفوب والسبب ده لان السلعه بيتم تثبيت سعرها وبيكون السعر مخفض وكويس وتنافسي لكن تكلفه النقل بتبقى عند المشتري وده بقى بيقتل التنافس الخاص بالسلعه دي لو راحت لاي اسواق بعيده بعكس ان انت اخذت بالك منه في اللي فات ان الشركه اللي كانت بتشيل سعر الشحن لكن برضو ممكن نقول ان الموضوع هنا عادل بما فيه الكفايه لان الشركه هنا بتشيل سعر التخزين الخاص بمنتجات

تسمع بقى عن سياسه اسمها اسعار المنطقه تعال افهمك ايه اللعبه فيها من الاخر بيستخدمها الشركات في توزيع اسعار النقل على مناطق معينه وليكن انا هقسم المنطقه اللي انا فيها ا و ب و د مجموع الشحن الكامل على المناطق دي وليكن 1000 جنيه تمام فال 1000 جنيه دي هتتقسم على ثمن المنتجات اللي راحت كل الاماكن دي وبيتم محاسبه النقل اللي على العميل في حاله ان العميل طلب المنتج بيوصل له من اقرب منطقه ودي بتخلي التنافس قوي جدا في سرعه توصيل المنتجات

*سياسة الاسعار الحاسمة

اسعار الحسم ودي الاسعار اللي من الاخر وبالمختصر بنعتمد على تعديلها علشان نخليك تشتري كميات كبيره جدا من منتجات معينه من الاخر كده انا بقول لك لو اشتريت كميات كبيره انا هروق عليك

تعرف بقى ان في حاجه مهمه جدا في الليله دي اسمها الحسم التجاري ده فيه اساسا عمليه جميله زي عمليه التسويق بالعموله لان هنا البضائع او المبلغ بيتم منحه للوسيط سواء بقى الوسيط ده قام باي مهمه زي النقل او التخزين او حتى ان هو وصلك للمنطقه اللي انت اشتريت منها نقدر نقول يعني ان الحسم التجاري ده برنامج التسويق بالعموله الخاص للشركه

طيب ما تيجي بقى نروح لحاجه اسمها الحسم الكمين الحسم الكم هنا ممكن يطلع على شكلين او على صورتين وصورتين احسن من بعض بصراحه

في حاجه اسمها الحس الكمي غير المجتمع وده بيتم منحه كل لما الكميه اللي انت بتشتريها بتزيد في صفقه واحده ايا كانت قيمه الصفقه لكن بيتم تعويضك بكميات تانيه مقابل انك تشتري كميات اكبر وهكذا بس بتتحسب على صفقه واحده يعني لو انت عملت عمليه شراء على مدار اليوم هي نفس الفكره انت اخذت صفقتك بس كده

وعلى النقيض تماما ان في حاجه ثانيه اسمها الحسم الكمي المجتمع وده بقى بيتم حسابه على كميات على مدار مده معينه او فتره معينه وبيتم تعويضك عن الفترات دي كلها او بالمعنى الحرفي يعني بتاخد هدايا او بونص عن الفترات اللي فاتت كلها مقابل ان انت اشتريت فيها كميات او صرفت فيها مبالغ معينه ودي انا بشوفها بتبقى احسن شويه من الصفقه لوحدها

توضيح بس يا جماعه كده بمناسبه الكلام اللي احنا لسه متكلمين عنه سواء المجتمع او غير المجتمع الشركات بتعتمد اكثر على الغير مجتمع لانهم بيلعبوا دايما على فكره الصفقه ان انت ما تفكر وتعتمد دائما على كسب صفقتك الاولى

من الحاجات بصراحه اللي انا بعتمد عليها بقى وهي الحسم النقدي الحسم النقدي ده انا بعتمد عليه يعني مجرد وفعليا مميز الفكره العامه من الموضوع ان انا بشجعك علشان تسدد في وقت اسرع من الوقت المتفق عليه يعني من الاخر بيتم استخدامه في الاجل اكثر من الدفع النقدي طيب الفكره هنا ان انت بتوعد العميل بتاعك بخصم محترم في حاله السداد المبكر مش زي الانظمه البنكيه العقيمه اللي فعليا لما بتسدد بدري بيدفعك غرامه سداد مبكر

*سياسة الاسعار المتميزة

بصراحه فكره الاسعار المتميزه فكره جميله جدا لكن باطنيا هي فكره الله المستعان ليه بقى يا بطل لان الفكره العامه هي تقديم المنتج باكثر من فئه سعريه علشان تنافس في كل الفئات السعريه وكمان تقدر تنافس في كل الطبقات الاجتماعيه

يعبا على السياسه دي حاجه مهمه جدا وهي ان المنتج نفسه لو تم بيعه حتى حتى لو المنتج ده بيتم تعديله وتقللت جودته وتقليل خاماته وكل الكلام ده جميل صح علشان ننزل السعر ويبقى في متناول اغلب المواطنين لكن الكارثه بقى لما انا اروح اشتري المنتج بسعر مبالغ في اه انا واخد جوده محترمه واخد خامات اعلى لكن ده بيخلق نوع من انواع الشك اتجاه الشركه من الاخر انت كده ممكن تخسر العميل بسبب ان هو شاكك ان انت استغلته اه يعتبر العميل مفكرك حرامي

اللي يضحك ان ممكن ندمج سياستين وده فعليا بيحصل في ارض الواقع في ناس بتعمل سياسه التميز دي وبتنزل من اسعار المنتجات وتصنعها وخامتها مقابل كده بتبيع في اسواق ضعيفه استهلاكيا وده بيخلي في الغالب الشخص اللي اشترى من الاسواق الغاليه بتاعتها يروح يشتري من الاسواق الرخيصه وينصدم من الخامات

*سياسة تسعير خط الانتاج

دي بقى من ازبل السياسات اللي انت ممكن تشتغل عليها في حياتك وانا مش هشرح كثير فيها بس انا هقول لك بيعملوها ازاي وانا ليه بقول لك ان دي من ازبل السياسه

بص يا معلم التسعيد المقيد على سبيل المثال وليس الحصر احد اهم اهم اساليب تسعير خط الانتاج بالمختصر المفيد انا بدي لك المنتج الاساسي بسعر رخيص جدا وليكن مثلا نروح لفكره المنتج اللي هو الطبعه تمام الطابعات انا بديها لك بسعر مخفض جدا بينما بقى بدي لك الحبر اللازم لتشغيلها بسعر مرتفع جدا فتحس ان الموضوع هنا ماشي بالعكس زي مثلا الاجهزه بتاعه قياس السكر الاجهزه دي اصلا تكلفه انتاجها غاليه لكن فعليا بتتباع بسعر رخيص جدا والفكره هنا في ان نفس الشركه اللي بتنتج الشرايط الخاصه بالجهاز وده بيسبب لك طبعا كارثه لانهم بيدوا لك الشرايط باسعار جنونيه

في بقى خدعه انا بشوفها من الحاجات الجميله لو تم استخدامها صح يعني بالمختصر المفيد خدعه التسعير المتنوع بص الفكره العامه ان انا بديك كم من الاسعار بديك من الاخر كمية كبيره من الاسعار يعني على سبيل المثال وليس الحصر ان انا ممكن اسعر لك شويه كوبايات عصير باكتر من سعر ده بقى علشان اقنعك ان كل حاجه انت هتحتاجها او اي فئه سعريه انت هتحتاجها هتلاقيها متوفره ولكن في الحقيقه دي مش اكثر من خدعه

في بقى حاجه اسمها التسعيد التشجيعي تعرف من الاخر كده لعبه زباله وان انا بدي لك منتج بس مخصص للفئه العليا ومنتج مخصص لعادمين الفئه يعني من الاخر المنتج اللي انا بدي لي الفئه العليا بحمل بقيه تكلفه تصنيعه على المنتجات اللي انا بديها لك اللي هي منتجات معدمه ولكن انا بحط عليها سعر ازيد شويه علشان اديها لك واعوض خسرت من الناس اللي انا ما قدرتش اكمل مكاسب منهم

*سياسة تسعير مجموعه السلع

بص يا معلم في حاجه اسمها تسعير المجموعه تسعير المجموعه دي بالمختصر الشركات بتعتمد عليها طيب الفكره العامه هنا هضرب لك فيها مثال وهو معجون السنان زي ما انت فاهم ان كل شركات الخاصه بمعجون الاسنان عندها برده خطوط انتاج لفرش الاسنان لا تندهش صديقي فدي معلومه عاديه جدا فعليا بقى هم بيغلفوا فرشه الاسنان بتاعتهم مع معجون الاسنان وبيبيعوا لك الاثنين في باكيت واحد علشان حضرتك تشتري منتجين بسعر المنتجين ولكن هم منتج واحد وبتدفع فيهم نفس المبلغ

لكن يا حبيب الفكره هنا مش ان انا ابيع معجون الاسنان خالص الفكره العامه للموضوع ان الشركات دي عارفه ان الكميه اللي بتتباع من فرش الاسنان قليله وان فرش الاسنان نفسها عامله لهم مشاكل في تصنيعها وتسويقها وكل الكلام ده فما فيش اجمل من الهديه والنبي قبل الهديه وانت دفعت ثمنها

*سياسات التسعير المهني

بص يا باشا من الاخر احنا هنا هنتكلم عن التسعيرات اللي بيتم التحكم فيها يعني انا على سبيل المثال بحتاج بعض الخدمات الخدمات دي وليكن خدمات طبيه خدمات كهرباء خدمات مياه خدمات صرف فالحاجات دي بقى انا ما اعرفش سعرها كام ومش هروح اسال في كل دوله والنبي انت عندكم الصرف بكام والميه بكام والغاز بكام

السياسه الاولى للموضوع ده وهو التسعير الادبي الاخلاقي وده من الاخر اللي الدوله بتكون متحكمه فيه ومتدخله فيه بشكل كامل وكمان بيبقى في نقابات متدخله في الموضوع وبيتم كل ده تحت سيطره وتحت اشراف كامل وفي الغالب بتكون دي الخدمات الحكوميه اللي بيتم تقديمها ليك

في بقى سياسه تانيه من التسعينات دي اسمها التسعير المهذب الفكره هنا ان انا بقدم لك الخدمات بنفس الاجر المتفق عليه من الدوله وبنفس القيمه اللي الدوله على سبيل المثال استخدامك لمستشفى معينه مقابل كده انت بتقطع تذكره مثلا وليكن ب 100 جنيه تمام ممكن يتم اجراء فحوصات وكمان ممكن تحتاج الى اشعه بالتاكيد كل اللي انا قلته ده بيعتمد على دفع تذاكر ثانيه علشان نقدر نغطي تكلفه الحاجه الاولى فهمت بقى ايه الفكره

*سياسة التسعير علي الانترنت

اغلب الشركات حاليا واغلب رجال الاعمال بقوا مقتنعين تماما بفكره التسعير عبر الانترنت والهدف منه تسعير منتجات الشركات بشكل كامل على شبكه الانترنت علشان يسهل الوصول ليها من اي شخص

ولو جينا نبص للناحيه العمليه فبالمختصر يا صاحبي اكبر شركات العالم حاليا بيعرضوا اسعارهم للجمهور على الانترنت

بصراحه انا بشوف ان تسعيره الانترنت فيها شويه حاجات مفيده سواء دي المشتري او البائع

بالنسبه للمشتري التسعير على الانترنت بيوفر له درايه كامله باي تغيير في اي خدمه وفي اي سعر من الخدمات اليوميه اللي هو بيحتاجها كمان بيتميز البيع على الانترنت بسرعه مرونه البحث عن اي منتج انت محتاجه غير كده ان هي بتحسن من نمط تفاعل المشتري مع الباء وكمان بتحجم فكره رفع الاسعار باشكال غير مرغوب فيها او بدون اسباب وكمان بتقلل جدا من رفع الاسعار مع العلم ان هي بتزود المنافسه بسبب مقارنه الاسعار اللي بيعملها المشتري علشان يقرر هيشتري من مين

بعد كل المميزات اللي فاتت في المشتري فالبائع برده بيتبسط بيها يعني على سبيل المثال بتخلي للبائع قدره على التسويق فاكثر من مكان واكثر الاسواق العالميه وبكل بساطه بتحسن له كمان من قدره الشركه المنتجه كمان بتحسن لك من التقنيات الفنيه الحديثه وغير كده بتخلي عمليه التسعير سهله بتسهل في حجم وزياده المبيعات من السهل جدا التعرف من قبل البائع على اسعار المنافسين طول ما هو على شبكه الانترنت فهو عنده كم من المعلومات الغير عادي وكمان عنده علم قرارات شراء مختلفه من كذا عميل لكذا شركه منافسه وكمان عنده الامكانيه ان هو يعمل استطلاعات راي ويعرف ايه مشاكل الإنتاج اللي عنده وايه مشاكل منتجه وكمان يقدر يطور المنتج بكل بساطه